Avstriya va Vengriya chegarasida joylashgan Noyzidler-Ze ko‘li qurib bormoqda. Bu haqda euronews xabar berdi.
YUNESKOning Butunjahon merosi ro‘yxatiga kiritilgan ko‘lda suv sathi juda past bo‘lgani sababli yelkanli qayiqlarda suzish va vindserfing bilan shug‘ullanish qiyinlashmoqda.
«Iyul oyining o‘rtalaridan beri ko‘l sathi juda tushib ketdi, shuning uchun hozir ko‘lda suzish mumkin emas. Tez orada u batamom qurib ketadi, hozir ko‘lning o‘rnida yumshoq loygina qolmoqda», — deydi ekologlar.
Mahalliy hokimiyat ko‘lni saqlab qolish maqsadida Dunay daryosining bir qismini yo‘naltirishni taklif qilmoqda. Biroq ekologlar bunga keskin qarshi.