Кучли бўрон сабаб Австриянинг шимоли-шарқида камида беш киши ҳалок бўлди. Шунингдек, Италияда икки киши, Францияда эса беш нафар инсон ҳаётдан кўз юмган.
Австриялик қурбонлар орасида 4 ва 8 ёшли икки бола борлиги айтилмоқда. Яна 13 киши жароҳатланган. Кучли шамол кўплаб дарахтларни қулатди ва уйларнинг томларини учириб кетди. Италиянинг Тоскана минтақасида бўрон туфайли 18 киши тан жароҳати олган.
Кучли ёғингарчилик туфайли мамлакатнинг турли ҳудудларида сув тошқинлари содир бўлган. Хусусан Франциянинг Корсика минтақасига шамолнинг тезлиги соатига 222 км га етган.
