Шанхайлик Лю исмли йигит икки ой давомида Интернет орқали қиз билан мулоқотда бўлган ва унинг бизнес режаларини қўллаб-қувватлаш ҳамда оила аъзосининг даволаниши учун 200 000 юань (27 000 доллар) маблағ юборган. Бироқ бу қиз аслида сунъий интеллект томонидан яратилган сохта шахс бўлиб чиқди.
Лю биринчи марта қизни кўчада юрганини кўрган ва у ҳақиқий шахс деб ўйлаган. Кейинчалик қиз билан Интернет орқали мулоқот қилиб, ишончини оширган. Унга ҳужжатлар, тиббий карталар ва ҳисоб-китоб квитанциялари юборилган, бу эса унинг ростлигига янада ишонтирган.
Бироқ икки ойдан сўнг Лю севган қизи билан ҳеч қачон учраша олмади ва буни шубҳа билан қабул қилиб, полицияга мурожаат қилди.
Тергов натижаларига кўра, бу ҳолат ортида тажрибали фирибгарлар жамоаси тургани маълум бўлди. Улар сунъий интеллект ёрдамида реал одамлар қиёфасини яратиб, видеолар ва расмлар орқали ишонч қозонишган.
Полиция ҳозирда мазкур фирибгарлик иши бўйича тергов олиб бормоқда ва Интернет орқали содир этилаётган шундай сохтакорликларга қарши огоҳ бўлишга чақирмоқда.