Shanxaylik Lyu ismli yigit ikki oy davomida Internet orqali qiz bilan muloqotda bo‘lgan va uning biznes rejalarini qo‘llab-quvvatlash hamda oila a’zosining davolanishi uchun 200 000 yuan (27 000 dollar) mablag‘ yuborgan. Biroq bu qiz aslida sun’iy intellekt tomonidan yaratilgan soxta shaxs bo‘lib chiqdi.
Lyu birinchi marta qizni ko‘chada yurganini ko‘rgan va u haqiqiy shaxs deb o‘ylagan. Keyinchalik qiz bilan Internet orqali muloqot qilib, ishonchini oshirgan. Unga hujjatlar, tibbiy kartalar va hisob-kitob kvitansiyalari yuborilgan, bu esa uning rostligiga yanada ishontirgan.
Biroq ikki oydan so‘ng Lyu sevgan qizi bilan hech qachon uchrasha olmadi va buni shubha bilan qabul qilib, politsiyaga murojaat qildi.
Tergov natijalariga ko‘ra, bu holat ortida tajribali firibgarlar jamoasi turgani ma’lum bo‘ldi. Ular sun’iy intellekt yordamida real odamlar qiyofasini yaratib, videolar va rasmlar orqali ishonch qozonishgan.
Politsiya hozirda mazkur firibgarlik ishi bo‘yicha tergov olib bormoqda va Internet orqali sodir etilayotgan shunday soxtakorliklarga qarshi ogoh bo‘lishga chaqirmoqda.