ЮНИСЕФ можаролар, иқлим инқирозлари ва табиий офатлардан азият чеккан болаларга 10,3 миллиард доллар ажратишни сўрамоқда. Бу маблағ 2023 йил охиригача 155 давлатдаги 110 миллион бола иштирокидаги дастурларга йўналтирилади. Умумий ҳисобда 173 миллион одамга ёрдам ажратилади.
ЮНИСЕФ ижрочи директори Кэтрин Рассел айни пайтда ёрдамга муҳтож болалар сони энг янги тарихда рекорд даражага етганини айтди.
Ҳисоб-китобларга кўра, шу йил бошида 274 миллион одам гуманитар ёрдам ва ҳимояга муҳтож бўлган. Йил давомида турли можаролар, жумладан, Украинадаги вазият туфайли уларнинг сони ва эҳтиёжлари ортган.