Jo Bayden Shavkat Mirziyoyevni AQSHga taklif qildi
Qo'shma shtatlar prezidenti Shavkat Mirziyoyevga maktub yo'lladi.
AQSH prezidenti Jo Bayden Shavkat Mirziyoyevni Nyu-Yorkka taklif qildi.
Forbes nashrining yozishicha, Bayden 11-avgust kuni Shavkat Mirziyoyevga yo‘llagan maktubida O‘zbekiston rahbarini Nyu-Yorkda bo‘lib o‘tadigan BMT bosh assambleyasi doirasida Markaziy Osiyo va AQSH davlat rahbarlarining (C5+1) sammitiga taklif qilgan.
“Umid qilamanki, siz men va boshqa yetakchilar bilan sentabr oyida boʻlib oʻtadigan rasmiy C5+1 uchrashuvda (sohalarda) umumiy maqsadlarimizga erishish borasida birgalikda ishlashni davom ettirishni muhokama qilamiz”, — deyiladi maktubda.
Hozircha Shavkat Mirziyoyevning okean ortiga safar qilishi nomaʼlum. Nashrning taʼkidlashicha, maktub Bayden maʼmuriyatining O‘zbekiston va mintaqaga eʼtibori ortib borayotganini samimiy ifodalaydi.
