20 ёшли блогер операция вақтида вафот этди
Бош прокуратура матбуот котиби ҳолат бўйича расмий маълумот берди.
Жорий йилнинг 19 июль куни инстаблогер Asad Algo вафот этди. Бу ҳақда унинг яқин дўсти маълум қилди.
Қизнинг айтишича, блогер калтакланиш натижасида бошидан қаттиқ жароҳат олган ва уч кун давомида уйида даволанган.
Аммо аҳвол ёмонлашгач миясидан операция қилинган ва жарроҳлик столида юраги тўхтаб, вафот этган.
“Барчадан илтимос қиламан, дуо қилинглар жойлари жаннатдан бўлсин”, — дейди унинг дўсти.
Шунингдек, блогернинг ўлимини Севинчка ҳам тасдиқлади:
“Илтимос, мендан ҳеч нарса сўраманг. Ҳаммасига унинг ота-онаси ва қилган ишлари айбдор. Унга ҳеч ким қарамади. У менинг йигитим эмас, жанжал қилишимизга қарамай, у менинг яқин одамим эди”.
Бош прокуратура матбуот котиби ҳолат бўйича расмий маълумот берди.
Унга кўра, "Асад Алго" номи билан танилган 20 ёшли блогер вафот этганлиги ҳолати юзасидан терговга қадар текширув ҳаракатлари олиб борилмоқда.
«Марҳумнинг ўлим сабабларини аниқлаш мақсадида суд-тиббиёт экспертизаси тайинланган. Натижаси бўйича қонуний қарор қабул қилиниши таъминланади», — дейилади расмий муносабатда.
