Абитуриентга “Х-вариант” сотмоқчи бўлган фирибгар ушланди
Ҳозирда тергов ҳаракатлари давом этмоқда.
Ҳолат Тошкент шаҳрининг Сергели туманида кузатилган. Номаълум шахс 23 ёшли Ж.И.нинг ишончига кириб, пойтахт олийгоҳларининг биридаги тест саволларига тўғри жавоблар рўйхатини топиб беришни ваъда қилган. Жабрланувчи унинг ҳисоб рақамига 885 096 сўмни ўтказгач, у умуман алоқага чиқмай қўйган.
Ўтказилган тезкор-қидирув тадбирлари натижасида фирибгар 22 ёшли X.O. эканлиги маълум бўлди. Мазкур иш бўйича Жиноят кодексининг 168-моддаси («Фирибгарлик») билан иш қўзғатилган. Ҳозирда тергов ҳаракатлари давом этмоқда.
