Jozef Bayden "Katta yigirmatalik" sammitida Putin bilan uchrashmoqchi emas. Bu haqda u CNN telekanaliga bergan intervyusida maʼlum qildi.
"Menda u bilan uchrashish istagi yo‘q, ammo agar u sammit davomida kelib: ‘men amerikalik Brittni Graynerni ozod qilish masalasida gaplashmoqchiman‘ desa... Fikrimcha, bu vaziyatga bog‘liq", — degan prezident.
Shu bilan birga AQSH rahbari Ukrainasiz Ukraina masalasida gaplashmasligini bildirgan. Bundan tashqari, u Rossiya prezidentini shafqatsizlik va harbiy jinoyatlarda ayblagan.
"Shu sababli men hozir u bilan uchrashishdan maʼno ko‘rmayapman", — deb taʼkidlagan Bayden.
O‘tgan haftada Rossiya va AQSH yetakchilari Indoneziyada noyabrda bo‘lib o‘tadigan "Katta yigirmatalik" sammitida uchrashishi mumkinligi to‘g‘risida xabarlar tarqalgandi.
Avvalroq Zelenskiy va Bayden telefon muloqotini o‘tkazgandi.