Жозеф Байден "Катта йигирматалик" саммитида Путин билан учрашмоқчи эмас. Бу ҳақда у CNN телеканалига берган интервьюсида маълум қилди.
"Менда у билан учрашиш истаги йўқ, аммо агар у саммит давомида келиб: 'мен америкалик Бриттни Грайнерни озод қилиш масаласида гаплашмоқчиман' деса... Фикримча, бу вазиятга боғлиқ", — деган президент.
Шу билан бирга АҚШ раҳбари Украинасиз Украина масаласида гаплашмаслигини билдирган. Бундан ташқари, у Россия президентини шафқатсизлик ва ҳарбий жиноятларда айблаган.
"Шу сабабли мен ҳозир у билан учрашишдан маъно кўрмаяпман", — деб таъкидлаган Байден.
Ўтган ҳафтада Россия ва АҚШ етакчилари Индонезияда ноябрда бўлиб ўтадиган "Катта йигирматалик" саммитида учрашиши мумкинлиги тўғрисида хабарлар тарқалганди.
Аввалроқ Зеленский ва Байден телефон мулоқотини ўтказганди.