Битта кўприк иккинчи марта қулади
Ганг дарёси устидан қурилаётган кўприк лойиҳасига 208 миллион доллар сарфланган.
Times of India хабарига кўра, Ганг дарёси устидан қурилаётган кўприк қулаб тушди.
«Агувани-Султангандж» номли 4 тасмали автомобиль кўприги икки йил ичида иккинчи марта қулаб тушган.
У Бихар штатининг Бхагалпур шаҳрида жойлашган.
Дастлаб кўприкнинг марказий қисми қулаган, кейинроқ унинг таянч устунлари қийшайиб, дарёга тушиб кетган.
2022 йилда айнан шу кўприк қисмини тўфон учириб кетган эди. Шундан сўнг конструкция тикланган.
Бахтли тасодиф билан воқеада ҳеч ким жабрланмаган.
Маълумот учун: 3,1 км.ли кўприк қурилиши 2014 йилда бошланган ва 2019 йилда якунланиши режалаштирилган эди.
Шу пайтгача лойиҳага 208 миллион доллар сарфланган.
