Unda O‘zbekiston tomonidan Tashqi ishlar vaziri Abdulaziz Komilov ishtirok etgan. Vazir o‘z nutqida Afg‘oniston uchun mojarolardan keyingi strategiyani ishlab chiqish, jumladan, uning iqtisodiyotini tiklash, mamlakatning mintaqaviy integratsion jarayonlarga jalb qilish, infratuzilma loyihalarini amalga oshirish zarurligiga eʼtibor qaratgan.
AQSH davlat kotibi Entoni Blinken Afg‘onistondagi gumanitar inqiroz oqibatlarini yumshatish bo‘yicha jahon hamjamiyatini birgalikda harakat qilishga chaqirgan. Uning so‘zlariga ko‘ra, yangi tuzilgan afg‘on hukumati bo‘yicha barcha davlatlar pozitsiyasi bir xil. Shu bilan birga barcha mamlakatlar Afg‘oniston xalqini qo‘llab-quvvatlashni saqlab qolish tarafdori ekanligi maʼlum qilingan.
Blinken toliblardan chet elliklar va mamlakatni tark etish istagida bo‘lgan afg‘onlarni xavfsiz chiqib ketishi taʼminlanishini talab qilgan. Shuningdek, inklyuziv hukumat tuzishga harakat qilish zarurligi taʼkidlangan.
Davlat departamenti rahbari Afg‘oniston xalqlari huquqini himoya qilish maqsadida AQSH bundan buyon ham “iqtisodiy, diplomatik va siyosiy vositalardan foydalanishda davom etishi”ni qayd etgan.
Eslatib o‘tamiz, bundan avval “Afg‘oniston Islom jamiyati” partiyasi “Tolibon”ning yangi hukumati mamlakatdagi inqirozni yana-da chuqurlashtirishi mumkinligini aytgan edi.
Jahongir Qo‘ziyev