Унда Ўзбекистон томонидан Ташқи ишлар вазири Абдулазиз Комилов иштирок этган. Вазир ўз нутқида Афғонистон учун можаролардан кейинги стратегияни ишлаб чиқиш, жумладан, унинг иқтисодиётини тиклаш, мамлакатнинг минтақавий интеграцион жараёнларга жалб қилиш, инфратузилма лойиҳаларини амалга ошириш зарурлигига эътибор қаратган.
АҚШ давлат котиби Энтони Блинкен Афғонистондаги гуманитар инқироз оқибатларини юмшатиш бўйича жаҳон ҳамжамиятини биргаликда ҳаракат қилишга чақирган. Унинг сўзларига кўра, янги тузилган афғон ҳукумати бўйича барча давлатлар позицияси бир хил. Шу билан бирга барча мамлакатлар Афғонистон халқини қўллаб-қувватлашни сақлаб қолиш тарафдори эканлиги маълум қилинган.
Блинкен толиблардан чет элликлар ва мамлакатни тарк этиш истагида бўлган афғонларни хавфсиз чиқиб кетиши таъминланишини талаб қилган. Шунингдек, инклюзив ҳукумат тузишга ҳаракат қилиш зарурлиги таъкидланган.
Давлат департаменти раҳбари Афғонистон халқлари ҳуқуқини ҳимоя қилиш мақсадида АҚШ бундан буён ҳам “иқтисодий, дипломатик ва сиёсий воситалардан фойдаланишда давом этиши”ни қайд этган.
Эслатиб ўтамиз, бундан аввал “Афғонистон Ислом жамияти” партияси “Толибон”нинг янги ҳукумати мамлакатдаги инқирозни янада чуқурлаштириши мумкинлигини айтган эди.
Жаҳонгир Қўзиев