“Афғонистон Ислом жамияти”: “Толибон”нинг янги ҳукумати мамлакатдаги инқирозни янада чуқурлаштиради
“Афғонистон Ислом жамияти” партияси баёнотига кўра, “Толибон”нинг янги ҳукумати мамлакатдаги инқирозни янада чуқурлаштиради.
Бунга ҳукумат аъзоларининг асосан пуштунлардан иборатлиги асосий сабаб қилиб кўрсатилмоқда. “Толибон” томонидан ҳокимиятнинг монополлашуви Афғонистонда тинчлик ва барқарорликка эришишга олиб келмайди. Балки мамлакатдаги инқирозни чуқурлаштиради ҳамда ўнглаб бўлмас оқибатларга олиб келади”, - дейилади баёнотда.
Партия мавжуд вазиятдан чиқиш борасида бир қанча таклифлар берган. Бунинг учун, энг аввало, барча сиёсий ва ижтимоий гуруҳлар иштирокида Афғонистонда инклюзив демократияни шакллантиришнинг йўл харитасини ишлаб чиқиш зарурлиги таъкидланган. Шу билан бирга ижтимоий адолатни таъминлаш ва асосий ҳуқуқларни ҳимоя қилиш муҳимлиги қайд этилган.
Партия халқаро ҳамжамият янги ҳукуматни тан олмаслилигига умид билдирган. Чунки унда Афғонистондаги барча этник ва диний гуруҳлар манфаати ҳисобга олинмаган.
7 сентябрь куни “Толибон” Афғонистоннинг янги ҳукумати таркибини эълон қилди. Унинг барча аъзолари толиблардан иборат. Ҳаракат расмий вакили Забиҳулло Мужоҳид бу вақтинчалик ҳукумат эканини маълум қилган.
Жаҳонгир Қўзиев
