Эрон президенти билан боғлиқ авиаҳалокатнинг янги тафсилотлари очиқланди
Эрон Қуролли Кучлари Бош штаби иккинчи ҳисоботини эълон қилди.
Унга кўра, бортида Эрон президенти Иброҳим Раисий ва бошқа амалдорлар бўлган вертолётнинг қўпорувчилик натижасида ҳалокатга учрагани ҳақидаги версия инкор этилди.
"Вертолётнинг қисмларини текшириш натижаларига кўра, улар орасидаги масофа ва уларнинг тарқалиш усулига кўра, парвоз пайтида ёки бошқа бир пайтда бирор турдаги қўпорувчилик ҳаракатлари натижасида содир бўлган портлаш рўй бергани истисно қилинди. Вертолёт тоғ ёнбағрига тўқнашув натижасида ҳалокатга учраган", — дея баёнот матнидан иқтибос келтиради Эроннинг IRIB телеканали.
