Германия Сурияни тиклаш учун 60 млн евро ажратмоқчи

Германия ҳукумати Сурияга ёрдам кўрсатиш бўйича бир нечта лойиҳаларда иштирок этади. Ушбу мақсадлар учун жами 60 миллион евро ажратилади. Бу ҳақда Reuters хабар берди.

 

Бу маблағ бевосита Сурия ҳукуматига йўналтирилмайди. Шулсенинг айтишича, Башар Асад режими қулашидан сўнг Суриядаги гуманитар вазият “фожиали” аҳволга келди. Мамлакат аҳолисининг 90 фоизи қашшоқликда яшайди ва гуманитар ёрдамга муҳтож. 2011 йилдан бери давом этиб келаётган фуқаролар уруши давомида маҳаллий инфратузилманинг катта қисми вайрон бўлган.

 

Берлин иштирок этадиган Сурияни тиклаш лойиҳалари нодавлат ва халқаро ташкилотлар орқали амалга оширилади. Мактабларни таъмирлаш билан шуғулланувчи БМТ Болалар жамғармасига (ЮНISEФ) 25 миллион евро тушиши керак. Бундан ташқари, маблағлар урушда жароҳатланган болаларга ёрдамга йўналтирилади. Маҳаллий мактаблар ишини ташкил этишни қўллаб-қувватлаш учун 6 миллион евро ажратилади.

 

Яна 19 миллион евро БМТ Тараққиёт дастурига (УНДП) йўналтирилади, у бошқа нарсалар қаторида мажбурий кўчирилганлар учун ишларни ташкил этиш билан шуғулланади. БМТнинг Сурия аёллар ҳуқуқларини ҳимоя қилиш бўйича ташкилотларини қўллаб-қувватловчи жамғармаси 3 миллион евро олади, қолган 7 миллион эса “аҳолининг турли гуруҳларини яраштириш” билан шуғулланувчи маҳаллий нодавлат ташкилотларга ажратилади.

 

Шулсенинг таъкидлашича, Берлин айни пайтда Сурияда ҳокимият “Ҳайъат Таҳрир аш-Шом” (ҲЦҲ) исломий гуруҳига ўтиши фонида Сурияда нима бўлишини олдиндан айтиб бера олмайди.