Исроил Ғазодаги ҳарбий операцияларини кенгайтирмоқда
Ҳудудни эгаллаш ва террорчилардан тозалаш мақсад қилинган.
Исроил Ғазо минтақасини террорчилардан ва уларнинг инфратузилмасидан тозалаш мақсадида қуруқликдаги ҳарбий операцияси кенгайтирилмоқда. Шунингдек, Исроил хавфсизлик зоналарини кенгайтириш, катта ҳудудларни эгаллаш ҳам режалаштирилган. Бу ҳақда Исроил мудофаа вазири Исроил Катз маълум қилди.
Исроилнинг бундай ҳарбий ҳаракатлари Ғазо секторидаги хавфсизликни таъминлаш ва терроризмга қарши курашни кучайтириш учун зарурий чоралар сифатида кўрилмоқда. Айни пайтда, ҳудуддаги жанговар вазият кескинлашгани сабабли Ғазо аҳолиси учун кенг кўламли эвакуация амалга оширилади. Исроил ҳукумати аҳолининг хавфсизлигини таъминлаш ва ҳудудни тозалаш учун зарурий чораларни кўришига қатъий қарор қилган.
Эвакуация жараёни ва ҳарбий амалиётнинг давом этиши, Ғазо аҳолиси учун оғир шароитларни яратмоқда, шу билан бирга, халқаро ҳамжамият бу вазиятга эътибор қаратмоқда.
