Muallif Shoxrux Abduvoxidovga tegishli bo‘lgan “Yurak”, “Meni deb oqardi sochlaring ona”, “Ko‘zlaringni qizg‘anma mendan” va “Barchasini Xudoga soldim” nomli sheʼrlar ijrochi Jaloliddin Ahmadaliyev tomonidan huquq egasi ruxsatisiz hamda tegishli tartibda shartnoma tuzmasdan foydalanilganligi aniqlandi. Bu haqida Adliya vazirligi xabar bermoqda.
Holat yuzasidan huquqbuzarga nisbatan Maʼmuriy javobgarlik to‘g‘risidagi kodeksning 177 prim 1-moddasi bilan maʼmuriy huquqbuzarlik to‘g‘risidagi bayonnoma rasmiylashtirilib, tegishli sudga yuborilgan.
Farg‘ona viloyati jinoyat ishlari bo‘yicha Dang‘ara tuman sudining qaroriga ko‘ra, huquqbuzarga nisbatan jarima jazosi tayinlangan.
Eslatib o‘tamiz, avvalroq xonanda Botir Qodirov ham mualliflik huquqini buzgani uchun 132 mln so‘m jarimaga tortilgandi.