Jizzax viloyatida 2002-yilda tug‘ilgan yigit ikki nafar ayolni mo‘may pul ishlash va'dasi bilan aldab, Rossiyaga olib ketayotgan vaqtida ushlangan. Bu haqda Jizzax IIB xabar bergan.
Huquqni muhofaza qiluvchi organlar tomonidan olib borilgan tezkor tadbir natijasida u protsessual tartibda qo‘lga olindi. Ma’lum bo‘lishicha, u ayollarni Rossiyada ishlash nomi ostida sotishni rejalashtirgan.
Holat yuzasidan Jinoyat kodeksining tegishli moddasi bilan jinoyat ishi qo‘zg‘atildi. Tergov ishlari davom etmoqda.