Жиззах вилоятида 2002 йилда туғилган йигит икки нафар аёлни мўмай пул ишлаш ваъдаси билан алдаб, Россияга олиб кетаётган вақтида ушланган. Бу ҳақда Жиззах ИИБ хабар берган.
Ҳуқуқни муҳофаза қилувчи органлар томонидан олиб борилган тезкор тадбир натижасида у процессуал тартибда қўлга олинди. Маълум бўлишича, у аёлларни Россияда ишлаш номи остида сотишни режалаштирган.
Ҳолат юзасидан Жиноят кодексининг тегишли моддаси билан жиноят иши қўзғатилди. Тергов ишлари давом этмоқда.