Shuningdek, ko‘p kvartirali uyni boshqaradigan organ uyga kirish qismida quyidagi maʼlumotlarni doimiy joylashtirib borishi shart:
• boshqarish organining nomi, manzili, telefoni, ish tartibi, veb-sayti;
• kommunal xizmat ko‘rsatuvchi tashkilotlarning aloqa telefonlari;
taʼmirlash ishlari vaqti;
• majburiy badal, ko‘rsatiladigan xizmatlar uchun to‘lov miqdori.
Bundan tashqari, boshqarish organi avariya vaziyatlarini bartaraf etadigan avariya-dispetcherlik xizmatini tashkil etishi kerak. Mazkur xizmat 24 soat ishlaydigan bo‘lishi lozim. Shu bilan birga, avariya-dispetcherlik xizmati mulkdorlarning qo‘ng‘iroqlariga 3 minutdan ko‘p bo‘lmagan vaqtda javob berishi kerak.
Xonadonlardagi kanalizatsiyalar tiqilib qolganida va ifloslanish holatlari bo‘lganida esa bu holatlar 2 soatda bartaraf etilishi zarurligi nizomda tasdiqlab qo‘yildi.
Avvalroq ko‘p kvartirali uyning yerto‘lasidan foydalanish tartibi belgilangani haqida xabar berilgandi.
Olamgir Abdiyev