"Sky Sport" jurnalisti Patrik Bergerning yozishicha, Gvardiola boshchiligidagi jamoa 20 yoshli himoyachi uchun bonuslar bilan birga 50 mln yevro to‘lashga tayyor.
O‘z navbatida O‘zbekiston milliy jamoasi futbolchisi ham Angliya chempionatiga o‘tish niyatida. Tomonlar uzoq muddatli shartnoma tuzishi kutilmoqda. Transferlar borasida kuchli insayder hisoblangan Fabritsio Romano ham Abduqodir Husanov transferiga oz qolgani haqida ijtimoiy tarmoqlar orqali xabar qilmoqda.
Abduqodir Husanov Angliyaning “Chelsi” va “Nyukasl” klublari, Ispaniyaning “Real”, shuningdek, Fransiyaning “PSJ” jamoasi qiziqishlari doirasida ekani xabar qilingandi. Transfermarkt ma’lumotiga ko‘ra, himoyachining narxi 12 million yevroga baholangan.