Marg‘ilon shahar xalq taʼlimi bo‘limi sobiq mudiri qurilish-taʼmirlash ishlari davomida jami 1,7 milliard so‘m miqdordagi mablag‘ni talon-taroj qilishda ayblangan. Buning natijasida XTBning mansabdor shaxslariga nisbatan jinoyat ishi qo‘zg‘atilgan. Sobiq mudir ehtiyot chorasi sifatida qamoqqa olingan.
Qayd etilishicha, ushbu jinoyat ishini Marg‘ilon shahar prokuraturasi ko‘rib chiqmoqda.
Ijtimoiy tarmoqlarda Marg‘ilon shahar xalq taʼlimi bo‘limi boshlig‘i taʼlim tizimini muntazam ravishda tanqid qilgani sababli unga nisbatan jinoyat ishi qo‘zg‘atilib, qamoqqa olingani haqida xabar tarqalgan edi.
Eslatib o‘tamiz, bundan avval shirkatlar tomonidan 1 milliard 809 million so‘m talon-taroj qilingani aniqlangani va Sergelida 32,5 ming dollarni o‘zlashtirib yuborgan bank kassiri va bosh mutaxassisga nisbatan jinoyat ishi qo‘zg‘atilgani haqida xabar berilgandi.
Cho‘lponoy Ahmedova