Марғилонда ХТБ собиқ мудири 1,7 миллиард сўмни ўзлаштириб юборгани аниқланди
Собиқ мудир 2021 йил 1 ноябрь куни гумонланувчи тариқасида процессуал тартибда ушланган.
Марғилон шаҳар халқ таълими бўлими собиқ мудири қурилиш-таъмирлаш ишлари давомида жами 1,7 миллиард сўм миқдордаги маблағни талон-торож қилишда айбланган. Бунинг натижасида ХТБ нинг мансабдор шахсларига нисбатан жиноят иши қўзғатилган. Собиқ мудир эҳтиёт чораси сифатида қамоққа олинган.
Қайд этилишича, ушбу жиноят ишини Марғилон шаҳар прокуратураси кўриб чиқмоқда.
Ижтимоий тармоқларда Марғилон шаҳар халқ таълими бўлими бошлиғи таълим тизимини мунтазам равишда танқид қилгани сабабли унга нисбатан жиноят иши қўзғатилиб, қамоққа олингани ҳақида хабар тарқалган эди.
Эслатиб ўтамиз, бундан аввал ширкатлар томонидан 1 миллиард 809 миллион сўм талон-тарож қилингани аниқлангани ва Сергелида 32,5 минг долларни ўзлаштириб юборган банк кассири ва бош мутахассисга нисбатан жиноят иши қўзғатилгани ҳақида хабар берилганди.
Чўлпоной Аҳмедова
