Meta Platforms aksiyalarning keskin pasayishi tufayli bozor qiymati bo‘yicha dunyodagi eng yirik 10 ta kompaniya qatoridan chiqib ketdi.
Bozor qiymati 1 trillion dan ortiq bo‘lgan dunyodagi sobiq oltinchi yirik kompaniya payshanba kuni savdoda 565 milliard ga baholandi va Tencent Holding Ltd. dan keyingi 11-o‘ringa tushib qoldi. Bu haqda Bloomberg agentligi xabar berdi.
O‘tgan yilning sentyabr oyidagi eng yuqori cho‘qqisidan beri Meta bozor qiymatidan 500 milliard dan ko‘proq yo‘qotdi. Payshanba kuni foydalanuvchilarning o‘sishi to‘xtab qolgani aniqlangach, daromad hisoboti eʼlon qilinganidan so‘ng kompaniya aksiyalari yana-da ko‘proq qiymatini yo‘qotdi.
Meta kompaniyasining aksiyalar narxining pasayishi natijasida ko‘rgan yo‘qotishlari S&P 500 indeksiga kiritilgan barcha kompaniyalarning bozor kapitallashuvidan oshib ketadi.
Avvallari Meta egallab turgan reytingning oltinchi o‘rnida endi bozor qiymati 906 milliard bo‘lgan Tesla Inc. bormoqda.
Uorren Baffetning 700 milliardlik Berkshire Hathaway Inc firmasi yettinchi, uning ortida esa 613 milliard bilan mikrosxemalar ishlab chiqaruvchi NVIDIA turibdi. Reytingning bozor qiymati bo‘yicha so‘zsiz yetakchilari — Apple (2,8 trillion) va Microsoft (2,2 trillion) bo‘lib turibdi.
