Метрода ҳожатхона қуриладиган бекатлар рўйхати эълон қилинди

Аввал Тошкент метрополитенининг 9 та бекатида она ва бола хоналари ҳамда ҳожатхоналар қурилиши режалаштирилгани ҳақида хабар берилганди. Айни пайтда бекатлар рўйхати расман эълон қилиниб, тўртта бекатда қурилиш ишлари бошланган бўлиб, лойиҳа ҳужжатлари якунланиш босқичида.

 

Метронинг “Буюк ипак йўли”, “Амир Темур хиёбони”, «Пахтакор» ва «Беруний» бекатларида қурилишнинг биринчи босқичи бошланди. Ушбу бекатларда қурилаётган ҳожатхоналар ҳақида баннерлар ўрнатилган.

 

Лойиҳа доирасида “Мустақиллик майдони”, «Олмазор», «Чорсу», «Дўстлик» ва «Бодомзор» бекатларида ҳам ҳожатхоналар қурилиши режалаштирилган.

 

 

Эслатиб ўтамиз, 2022 йил февраль ойида Тошкент метрополитенининг «Чилонзор» бекатида синов тариқасида она ва бола хонаси ҳамда ҳожатхона фаолият бошлаган эди. Ноябрь ойида эса метро бекатларидан бирида номақбул ҳолат акс этган видео тарқалиб, метрода ҳожатхоналар сонини ошириш борасида кенг муҳокамалар юзага келган эди.