NATO bosh kotibi Yens Stoltenberg Rossiya tashqi ishlar vazirligiga Rossiya-NATO kengashining yangi yig‘ilishini o‘tkazish taklifi bilan murojaat qildi.
"Bugun ertalab men Rossiya tashqi ishlar vaziri Sergey Lavrovga maktub yo'lladim. Rossiya-NATO kengashi yig'ilishlarining davom etishi o'zaro ishonch uchun muhim", - degan Stoltenberg.
U “diplomatik yo‘lni topish” muhimligini ta’kidlagan.
“Biz Rossiya xavotirlarini tinglashga va Yevropa xavfsizligining asosiy tamoyillarini mustahkamlashni muhokama qilishga tayyormiz. Lekin NATO asosiy tamoyillar – har bir davlatning o‘z yo‘lini tanlash huquqi bo‘yicha murosaga kelmaydi”, - degan bosh kotib.
Uning so‘zlariga ko‘ra, Rossiya Federatsiyasi Ukraina bilan chegarada o‘z harbiy kuchlarini mustahkamlashda davom etmoqda.
Xabarda aytilishicha, alyans Ukrainani qoʻllab-quvvatlaydi, ammo Rossiyaga tahdid qilish niyati yo'q.
O‘z navbatida, Britaniya bosh vaziri Boris Jonson Rossiya Ukrainaga bostirib kirsa, Britaniya “oldinga borishga” va Ukrainaga qo‘shimcha harbiy yordam ko‘rsatishga tayyorligini istisno etmadi.
Avvalroq Rossiya prezidenti Turkiyaga tashrif buyurishi mumkinligi xabar qilingan edi.
