AQSHning sobiq prezidenti Donald Tramp Oq uyda topilgan kokain amaldagi davlat rahbari Jo Bayden va uning o‘g‘li Xanterga tegishli ekaniga ishonchi komilligini taʼkidladi.
"Oq uyning G‘arbiy qanotida topilgan kokainni Hanter va Jo Baydendan boshqa birovga mo‘ljallanganiga kimdir ishonadimi?", — deb so‘radi u ijtimoiy tarmoqdagi obunachilaridan.
Tramp rasmiylarni xavfsizlik kamerasi tasvirlarini oshkor qilishga chaqirdi. Uning fikricha, bu kadrlar Oq uyga giyohvand moddalar qayerdan kelganini tezda ko‘rsatib beradi.
"Ular, ehtimol, javobni allaqachon bilishadi, lekin bu ularga yoqmasa kerak", — dedi sobiq prezident.
Eslatib o‘tamiz, o‘tgan hafta oxirida maxfiy xizmatlar Oq uyda nomaʼlum kukunni topishgandi. Tekshiruv o‘tkazilganida bu kokain ekanligi aniqlangan.
