АҚШнинг собиқ президенти Доналд Трамп Оқ уйда топилган кокаин амалдаги давлат раҳбари Жо Байден ва унинг ўғли Хантерга тегишли эканига ишончи комиллигини таъкидлади.
«Оқ уйнинг Ғарбий қанотида топилган кокаинни Ҳантер ва Жо Байдендан бошқа бировга мўлжалланганига кимдир ишонадими?», — деб сўради у ижтимоий тармоқдаги обуначиларидан.
Трамп расмийларни хавфсизлик камераси тасвирларини ошкор қилишга чақирди. Унинг фикрича, бу кадрлар Оқ уйга гиёҳванд моддалар қаердан келганини тезда кўрсатиб беради.
«Улар, эҳтимол, жавобни аллақачон билишади, лекин бу уларга ёқмаса керак», — деди собиқ президент.
Эслатиб ўтамиз, ўтган ҳафта охирида махфий хизматлар Оқ уйда номаълум кукунни топишганди. Текширув ўтказилганида бу кокаин эканлиги аниқланган.