Оқ уйдан кокаин топилди
У кимга тегишли?
Дам олиш кунлари Оқ уйдан топилган номаълум кукун кокаин бўлиб чиқди. Экспертиза натижалари шуни кўрсатди деб хабар беради «МИР 24».
Қайд этилишича, АҚШ махфий хизматлари томонидан тергов олиб борилмоқда. Ҳозирча кокаин кимга тегишли экани ва Оқ уйга қандай киргани аниқ эмас. Модда топилган пайтда президент Жо Байден бинода бўлмаган. Ўтган ҳафта у Кемп Девиддаги қишлоқ қароргоҳига жўнаб кетган эди.
Бироқ, New York Post газетасининг ёзишича, воқеадан сал олдин Америка етакчисининг ўғли наркотик можаролари билан яхши танилган Хантер Байден Оқ уйга ташриф буюрган.
