Bugun, 23 dekabr kuni O‘zbekistonning qo‘shni afg‘on xalqiga navbatdagi insonparvarlik yordami ortilgan poyezd Termiz shahridagi “Ayritom” chegara o‘tkazish punkti orqali Afg‘onistonga jo‘natildi.
Shu bilan birga, Balx viloyati markazida ikki mamlakat rasmiylari ishtirokida insonparvarlik yordamini topshirish marosimi bo‘lib o‘tadi.
Maʼlumot uchun: O‘zbekiston Tashqi ishlar vaziri Abdulaziz Komilov Afg‘onistondagi gumanitar vaziyat halokatga yaqin ekanini haqida gapirgandi.
Eslatib o‘tamiz, avvalroq AQSH Afg‘onistonga yana 144 million dollar ajratishi hamda Termizda Afg‘onistonga yordam berish maqsadida maxsus logistik markaz tuzilgani haqida xabar berilgandi. Shuningdek, Pokiston bosh vaziri Afg‘oniston yangi hukumatiga yordam berishga chaqirgandi.
Cho‘lponoy Ahmedova