Ўзбекистон паспорти дунё мамлакатлари паспортлари рейтингида 91-ўринни эгаллади
Швейцариянинг Henley & Partners консалтинг компанияси «Дунё паспортлар индекси»ни эълон қилди. Ўзбекистон фуқароси паспорти рейтингда 91-ўриндан жой олди.
Таҳлилчилар 199 мамлакат паспортини солиштирган. Рейтинг эркин ҳаракатланиш индекси, яъни паспорт эгаси визасиз ёки соддалаштирилган тартибда виза олиш орқали нечта мамлакатга бора олишига асосланган ҳолда тузилди.
Афғонистон фуқаролари 26 мамлакатга бемалол бора олишлари мумкин. Ироқликлар эса 28 давлатга бора олишади.
Рейтингда юқори ўринларни Япония, Сингапур, Жанубий Корея ва Германия паспортлари эгаллади.
Япония фуқаролари учун дунёнинг 193 мамлакати очиқ.
Сингапурликлар 192, Жанубий Корея ва Германия фуқаролари эса 191 мамлакатга визасиз бора олишади.
