Ўзбекистонлик йигит Россияда “Йил талабаси” бўлди
Танловда у “Стоматология” номинациясида ғолибликни қўлга киритди.
Ўзбекистонлик Бехруз Расаматов Россиянинг “Йил талабаси-2022” миллий мукофоти совриндори бўлди.
Расаматов асли тошкентлик бўлиб, ҳозирда И.М.Сеченова номидаги Москва давлат тиббиёт университетида таҳсил олади. Беҳруз танловда Расаматов “Йил талабаси. Шифокорлар” махсус очиқ трекида “Стоматология” номинациясида ғолиб бўлди.
Мукофот лауреатлари ва ғолибларини тантанали тақдирлаш маросими Москвадаги Ёшлар уйида бўлиб ўтди. Ҳар бир номинация бўйича 33 нафар талаба мукофот статуэткалари ва Бутунроссия лойиҳаси ғолиби унвонига сазовор бўлди. Мукофотнинг финалида Россиянинг 70 та ҳудудидан минг нафар талаба иштирок этди.
“Йил талабаси” мукофоти Россия ёшлар иттифоқи томонидан амалга оширилади.
