Пойтахтнинг айрим кўчалари автотранспорт учун вақтинча ёпилади
Мустақиллик байрами муносабати билан Тошкентда «Янги нафас» халқаро оммавий югуриш мусобақаси ўтказилади.
Тошкент шаҳридаги айрим кўчаларда автотранспорт воситаларининг ҳаракати вақтинча чекланади.
Шаҳар ҳокимлик матбуот хизматининг хабар беришича, 3 сентябрь куни Мустақиллик байрамига бағишланган “Янги нафас” халқаро оммавий югуриш мусобақаси ўтказилади. Шу муносабат билан пойтахтдаги айрим кўчаларда автотранспорт воситаларининг ҳаракати вақтинча чекланади.
Унга кўра:
-
31 август куни соат 10:00 дан 3 сентябрь куни соат 10:00 гача: Афросиёб кўчаси И. Каримов шоҳкўчаси билан кесишмасидан Бешёғоч кўчаси билан кесишмасигача;
-
3 сентябрь куни соат 05:00 дан 09:00 гача: Афросиёб кўчаси И. Каримов шоҳкўчаси билан кесишмасидан Абдулла Қодирий, Ойбек ва Нукус кўчалари бўйлаб, Рим-Католик черковигача.
Ҳокимлик юзага келиши мумкин бўлган ноқоқулайликлар учун узр сўраган.
