Қашқадарёда истеъмолга яроқсиз гўшт фош бўлди
Улар Самарқандга ўтказиш мақсадида олиб кетилаётганда тўхтатиб қолинган.
Кўкдала туманида “Умакай” ЙПХ масканида ўтказилган тезкор тадбирда “Қарши-Самарқанд” йўналишида ҳаракатланиб келаётган “Cobalt” русумли автотранспорт воситаси тўхтатиб кўздан кечирилган. Натижада фуқаро Ж.Ч. хавфсизлик талабларига жавоб бермайдиган қорамол гўштини ўтказиш мақсадида олиб кетаётганлиги аниқланиб, жами 400 кг гўшт ашёвий далил сифатида олинган.
Ҳозирда мазкур ҳолат юзасидан Жиноят кодексининг 186-моддаси билан жиноят иши қўзғатилиб, тергов ҳаракатлари ўтказилмоқда.
