Issiqko‘l yaqinidagi tog‘larning Juuku darasida muzlik o‘pirildi. Jeti-O‘g‘uz tumanining tashqi vodiysidagi Juuku dovonida muzlik o‘pirilgani maʼlum qilingan. Voqea joyiga Favqulodda vaziyatlar vazirligining viloyat boshqarmasi xodimlari jo‘nab ketgan.
Voqea guvohi Garri Shimmin Instagram sahifasiga post joylagan. Uning so‘zlariga ko‘ra, muzlik o‘pirilib tushganda to‘qqiz nafar britaniyalik va bir amerikalik sayyohdan iborat guruh Juuku darasidan o‘tayotgan edi. Ular besh daqiqadan so‘ng muz bosib qolgan uchastkadan zo‘rg‘a o‘tishga ulgurgan.
Hodisa oqibatida ikki kishi yengil tan jarohati olgan, halok bo‘lganlar yo‘q.
Juuku darasi Issiqko‘lning janubiy qirg‘og‘ida, Qorako‘l shahridan 70 kilometr uzoqlikda joylashgan bo‘lib, Teriskey-Ala-Too tizmasidagi eng uzun daraga hisoblanadi. U o‘zining tabiati, go‘zal manzaralari bilan xorijlik sayyohlarni o‘ziga tortadi.
