Qozog‘iston Ukrainadagi elchixonasini evakuatsiya qilishni ko‘rib chiqmoqda. Bu haqda mamlakat TIV rasmiy vakili Aybek Smadiyarov maʼlum qildi.
Diplomatning so‘zlariga ko‘ra, bu masala yaqin kunlarda ko‘rib chiqiladi. Shu bilan birga bu elchixonaning yopilishini anglatmaydi. Diplomatik personalning qaysi shaharga ko‘chirilishi masalasi ochiqlanmagan.
“Elchixona ishlamoqda. Gap uni yopish haqida emas, balki elchixona xodimlarini evakuatsiya qilish haqida ketmoqda. Katta ehtimol bilan to‘liq evakuatsiya bo‘ladi”, — degan u.
10 oktyabr kuni Qozog‘iston o‘z fuqarolarini Ukrainani tark etishga chaqirgandi. Bu Rossiyaning raketa zarbalari fonida yuz berdi.