Ракеталар ёмғири: Россия Украинанинг турли вилоятларига зарбалар берди
Бу Қрим кўпригидаги портлашдан сўнг юз бермоқда.
Россия Украинанинг қатор вилоятларига ракета зарбалари берди. Маҳаллий ОАВлар ҳаво ҳужумига қарши мудофаа тизимлари фаол ишлаётганини айтган.
Портлашлар Киев, Хмельницкий, Львов, Житомир ва Тернополь вилоятларида қайд этилган. Шунингдек, Одессада ҳам ракеталар портлагани тўғрисида маълумотлар бор.
Киев раҳбари Виталий Кличко пойтахт марказига зарбалар берилганини маълум қилган. шаҳарга ракета зарбалари берилишда давом этмоқда.
Киев метросида ҳаракат тўхтаган. Барча ерости станциялари бомбапана вазифасини бажармоқда.
Қайд этиш лозимки, бундай йирик зарбалар шанба куни Қрим кўпригидаги портлаш фонида юз бермоқда. Кеча Владимир Путин бу ҳодисани теракт сифатида баҳолади ва унинг ортида Украина махсус хизматлари турганини таъкидлади.
Бунинг ортидан Россия хавфсизлик кенгаши раиси ўринбосари Дмитрий Медведев кучли жавоб чоралари билан таҳдид қилганди.
