26-oktyabr kuni Qozog‘istonning Atirau-Uralsk trassasida odam o‘limi bilan bog‘liq yo‘l-transport hodisasi sodir bo‘ldi.
Maʼlumotlarga ko‘ra, Nexia rusumli avtomashina qarama-qarshi yo‘lakka chiqib ketib, yuk mashinasi bilan to‘qnashgan. Kuchli zarb natijasida transport vositasida yong‘in chiqqan va undagi 4 kishi ham yonib ketgan.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.