Voqea bugun, 1 fevral kuni tonggi soat 06:23 da Farg‘ona viloyati Quva tumani “G‘alaba” MFY Bo‘ston ko‘chasida joylashgan Quva savdo kompleksi (bozor)da bo‘lgan. Talafot oqibatida taxminan 25 ta kiyim-kechak do‘konining tomi, shifti va ichki qismi yongan.
Yong‘in o‘chirish ekipajlari voqea joyiga soat 06:27da yetib borib, yong‘in 07:10da qurshab olinib, 07:37da o‘chirilgan. Hodisa oqibatida fuqarolarning tan jarohati olish va halok bo‘lish holatlari qayd etilmadi.
Hozirda yong‘in sababi va keltirilgan zarar miqdori aniqlanmoqda.
Eslatib o‘tamiz, avvalroq Samarqand viloyati hamda Olmazor tumanidagi do‘konlarning birida yong‘in bo‘lgani haqida xabar berilgandi.