Воқеа бугун, 1 февраль куни тонгги соат 06:23 да Фарғона вилояти Қува тумани “Ғалаба” МФЙ Бўстон кўчасида жойлашган Қува савдо комплекси (бозор)да бўлган. Талафот оқибатида тахминан 25 та кийим-кечак дўконининг томи, шифти ва ички қисми ёнган.
Ёнғин ўчириш экипажлари воқеа жойига соат 06:27да етиб бориб, ёнғин 07:10да қуршаб олиниб, 07:37да ўчирилган. Ҳодиса оқибатида фуқароларнинг тан жароҳати олиш ва ҳалок бўлиш ҳолатлари қайд этилмади.
Ҳозирда ёнғин сабаби ва келтирилган зарар миқдори аниқланмоқда.
Эслатиб ўтамиз, аввалроқ Самарқанд вилояти ҳамда Олмазор туманидаги дўконларнинг бирида ёнғин бўлгани ҳақида хабар берилганди.
