Бугун, 24 декабрь куни соат 09:10 да “Мерганча” МФЙ ҳудудида жойлашган “Ургут кийим-кечак” бозорининг 6 та дўконида ёнғин содир бўлди.
Воқеа жойига Фавқулодда вазиятлар вазирлигининг вилоят бошқармасидан 6 та ёнғин ўчириш экипажи зудлик билан етиб борган. Ёнғин соат 09:27 да қуршаб олиниб, 10:14 да тўлиқ бартараф этилди.
Ҳодиса оқибатида дўконларнинг 100 кв.М майдони ёниб зарарланган.
ФВВ ходимларининг тезкор ҳаракатлари натижасида воқеа содир бўлган жойдаги бошқа дўконларга ёнғин ўтишининг олди олинди.
Ёнғин оқибатида жабрланганлар ва қурбонлар мавжуд эмас.
Эслатиб ўтамиз, аввалроқ Самарқандда мактабгача таълим муассасаларининг бирида ёнғин содир бўлгани ҳамда Самарқанддаги боғда ўрмон ёнғини содир бўлгани ҳақида хабар берилганди.
Чўлпоной Аҳмедова