Rossiya prezidenti Vladimir Putin 5-sentabr kuni farmon imzolab, O‘zbekistonga yangi elchi tayinladi. Endilikda Rossiya elchixonasiga 2017-yildan beri Turkiyada elchi bo‘lib ishlagan Aleksey Vladimirovich Yerkhov rahbarlik qiladi.
1960-yilda tug‘ilgan Yerkhov Moskva davlat xalqaro munosabatlar institutini tamomlagan. U 1983-yildan beri diplomatik xizmatda bo‘lib, Marokash, Misr va Isroilda faoliyat yuritgan.
Keyinchalik u Rossiyaning Suriyadagi elchixonasida maslahatchi-vakil, Istanbuldagi bosh konsul, shuningdek, TIVning Vaziyat va inqiroz markazi direktori sifatida ishlagan.
Eslatib o‘tamiz, Rossiyaning O‘zbekistondagi sobiq elchisi Oleg Malginov o‘z diplomatik missiyasini joriy yil iyun oyida yakunlagandi.