Сербия парламенти тарқатиб юборилди
Мамлакатда муддатидан аввал сайловлар ўтказилади.
Сербия президенти Александр Вучич парламентни тарқатиб юборди ва муддатидан олдин парламент сайловлари 17 декабрь куни ўтказилишини эълон қилди.
1 ноябрь куни ҳукумат Вучичга Миллий ассамблеяни тарқатиб юбориш ва сайловлар ўтказиш тўғрисида асослантирилган таклиф юборилган ва бу демократиянинг энг юқори даражасини таъминлаш, жамиятдаги кескинликни пасайтириш, шунингдек, бу борада ўз фикр ва қарашларини эркин ифода этишга ёрдам бериши таъкидлаган.
Эслатиб ўтамиз, Александр Вучич аввалроқ мамлакат бурилиш нуқтасида эканини айтган ва декабрь ойида овоз бериш жараёни ўтказишни режалаштирган эди.
