Shimoliy Koreya navbatdagi raketa sinovlarini o‘tkazdi. Bu haqda “TASS” xabar berdi.
Maʼlumotlarga ko‘ra, 11 yanvar kuni mahalliy vaqt bilan 07.27 da KXDR ichki hududlaridan ballistik raketa uchirilgan. U Yapon dengiziga borib tushgan. Janubiy Koreya shtab boshliqlari qo‘mitasining maʼlum qilishicha, bu Shimol armiyasining qishgi mashg‘ulotlarining bosqichi bo‘lishi mumkin.
Shimoliy Koreya so‘nggi bor 5 yanvar kuni raketa sinovi o‘tkazgandi. Ushbu raketa ham Yapon dengizi tarafga uchirilgan. 6 yanvarda Pxenyan gipertovushli raketa sinovi o‘tkazilganini maʼlum qilgandi.
Jahongir Qo‘ziyev