Шимолий Корея навбатдаги ракета синовларини ўтказди. Бу ҳақда “ТАСС” хабар берди.
Маълумотларга кўра, 11 январь куни маҳаллий вақт билан 07.27 да КХДР ички ҳудудларидан баллистик ракета учирилган. У Япон денгизига бориб тушган. Жанубий Корея штаб бошлиқлари қўмитасининг маълум қилишича, бу Шимол армиясининг қишги машғулотларининг босқичи бўлиши мумкин.
Шимолий Корея сўнгги бор 5 январь куни ракета синови ўтказганди. Ушбу ракета ҳам Япон денгизи тарафга учирилган. 6 январда Пхеньян гипертовушли ракета синови ўтказилганини маълум қилганди.
Жаҳонгир Қўзиев