Янги йил "туҳфаси": Шимолий Корея навбатдаги баллистик ракета синовини ўтказди
У Япон денгизи тарафга учирилган.
КХДР янги баллистик ракета синовларини ўтказди. Бу ҳақда Ёнхап агентлиги хабар берди.
5 январь куни тонгда Япон денгизи томон ракета учирилган. Япония қирғоқ қўриқлаш хизмати маълумотларига кўра, у денгизга қулаган. Ракета тушган ҳудуд Токио денгиз чегаралари ва алоҳида иқтисодий зоналаридан ташқарида бўлган.
Ҳозирда Япония мудофаа вазирлиги ушбу синов ҳақида тўлиқроқ маълумот олиш мақсадида маълумотлар йиғиш ва таҳлил қилишни бошлаган. Шу билан бирга мудофаа вазири Нобуо Киси ракета ҳеч қандай моддий зарарга сабаб бўлмаганини маълум қилди.
Аввалроқ Шимолий Кореяда 11 кун кулиш тақиқлангани хабар қилинганди.
