Yaponiya qirg‘oq qo‘riqlash xizmati raketa otilgan tomonda bo‘lgan barcha kemalarni turli metall parchalari tushishidan ogohlantirgan.
Yaponiya bosh vaziri Fumio Kisida hozirda holat yuzasidan o‘rganish olib borilayotganini maʼlum qilgan. Shuningdek, bosh vazir devonxonasi huzurida favqulodda shtab ish boshlagan.
Yaponiya hukumati aʼzosi Yosixiko Isodzaki raketa sinovlari BMT rezolyutsiyalarini buzish sifatida baholadi va Yaponiya nomidan diplomatik norozilik bildirdi.
Janubiy Koreya ommaviy axborot vositalari raketa suvosti kemalaridan otilganini qayd etgan. Seul AQSH bilan hodisani birgalikda tahlil qilishini maʼlum qilgan.
Bundan avval Kim Chen In Janubiy Koreya va AQSHni tanqid qilgani hamda Vashingtonda Shimoliy Koreya bo‘yicha muzokara o‘tkazilishi xabar qilingandi.
Jahongir Qo'ziyev