Япония қирғоқ қўриқлаш хизмати ракета отилган томонда бўлган барча кемаларни турли металл парчалари тушишидан огоҳлантирган.
Япония бош вазири Фумио Кисида ҳозирда ҳолат юзасидан ўрганиш олиб борилаётганини маълум қилган. Шунингдек, бош вазир девонхонаси ҳузурида фавқулодда штаб иш бошлаган.
Япония ҳукумати аъзоси Ёсихико Исодзаки ракета синовлари БМТ резолюцияларини бузиш сифатида баҳолади ва Япония номидан дипломатик норозилик билдирди.
Жанубий Корея оммавий ахборот воситалари ракета сувости кемаларидан отилганини қайд этган. Сеул АҚШ билан ҳодисани биргаликда таҳлил қилишини маълум қилган.
Бундан аввал Ким Чен Ин Жанубий Корея ва АҚШни танқид қилгани ҳамда Вашингтонда Шимолий Корея бўйича музокара ўтказилиши хабар қилинганди.
Жаҳонгир Қўзиев