"Бизнинг душманимиз - Жанубий Корея ёки АҚШ каби алоҳида давлатлар эмас, айнан урушдир. Аммо бизнинг тинчликпарвар ҳаракатларимиз мудофаадан воз кечишимизни англатмайди", — деган Ким.
Шу билан бирга у Сеул ва Вашингтонни биргаликдаги ҳарбий машғулотлар учун танқид қилди. "Одатда Қўшма Штатлар бизга нисбатан душманлик кайфияти йўқлигини айтади. Аммо унинг хатти-ҳаракатлари баёнотларига зид",— деб қўшимча қилган Ким Чен Ин. Шу билан бирга айнан Вашингтон позицияси туфайли Корея яриморолидаги вазиятни барқарорлаштириш мушкул экани қайд этилган.
Шунингдек, Шимолий Корея етакчиси Сеулни иккиюзламачиликда айблади. Унинг фикрича, Жанубий Корея тинчлик ва фаровонлик ҳақида гапириб, ўз ҳарбий салоҳиятини кенгайтиришда давом этмоқда. Ким агар жануб Пхеньяннинг "ўз-ўзини ҳимоя қилиш ҳуқуқига" даҳл қилса, қатъий қаршиликка учрашини маълум қилди. Шу билан бирга икки давлат ўртасидаги даҳшатли уруш қайтарилмаслиги зарурлиги таъкидланган.
Бундан аввал Ким Чен Ин аҳоли турмуш тарзини яхшилашга топшириқ берганди. Шунингдек, Жанубий Корея ва КХДР ўртасидаги алоқа тизими 55 кунлик танаффусдан сўнг тиклангани хабар қилинганди.
Жаҳонгир Қўзиев